የእግዚአብሔር መንግሥት

የእግዚአብሔር መንግሥት

'ከሁሉ አስቀድማችሁ ግን የእግዚአብሔርን መንግሥትና ጽድቁን እሹ፤ እነዚህ ሁሉ ይጨመሩላችኋል። 'ማቴዎስ 6:33

የእግዚአብሔርን መንግሥትና ጽድቁን እሹ፤ክርስቶስን የሚከተሉት ከሁሉም በላይ የእርሱን መንግሥትና ጽድቁን መሻት ይገባናል።እሹ የሚለው ቃል አንድን ነገር ለማግኘት ሳያቋርጡ በሚፈለገው ነገር መመሰጥን ወይም የሚፈለገውን ለማግኘት ብርቱና ትጋት የሞላበት ጥረት ማድረግን ያመለክታል።ክርስቶስ መሻታችን በሁለት ዐላማ ላይ ማተኰር እንዳለበት አመልክቶል፤

1) በእግዚአብሔር ደስ ይበልህ፤ የልብህንም መሻት ይሰጥሃል። 'መዝሙር 37:4 “የእግዚአብሔር መንግሥት”ማለትም የእግዚአብሔር ሕግና ኅይል በሕይወታችንና በጉባኤያችን መካከል እንዲገልጥ ከልብ መሻት አለብን።የእግዚአብሔር መንግሥት በመንፈስ ቅዱስ ታላቅ ኅይል መጥቶ ኅጢአቶኞችን እንዲያድን በአጋንንት እስራት ያሉትን እንዲፈታ ድውያንን እንዲፈውስና የጌታ ኢየሱስ ክርስቶስን ስም ከፍ ከፍ እንዲያደርግ መጸለይ አለብን።

2)” ጽድቁን” ማለትም በመንፈስ ቅዱስ አማካይነት ለክርስቶስ ሕጎች መታዘዝን፤የክርስቶስን ጽድቅ መውረስን፤ከዓለም ተለይቶ መኖርንና የክርስቶስን ፍቅር ለሁሉም ሰው ማሳየትን መሻት አለብን።

የእግዚአብሔር መንግሥት

የእግዚአብሔር መንግሥት በመሠረቱ መለኮታዊ ኅይል በተግባር የሚረጋገጥበት ነው።እግዚአብሔር በምድር ላይ መንፈሳዊ አገዛዙን የሚጀምረው በሕዝቡ ልብና በሕዝቡ መካከል ነው። ('ኢየሱስም እንዲህ አለው፤ “የሚወደኝ ቢኖር ቃሌን ይጠብቃል፤ አባቴም ይወደዋል፤ ወደ እርሱ እንመጣለን፤ ከእርሱም ጋር እንኖራለን። ' ዮሐንስ 14:23 ፤'ይህን ካለ በኋላም፣ እፍ አለባቸውና እንዲህ አላቸው፤ “መንፈስ ቅዱስን ተቀበሉ፤ 'ዮሐንስ 20:22) ።እርሱ ወደ ዓለም በኅይል ይመጣል('አቤቱ፤ ሰማያትን ቀድደህ ምነው በወረድ ምነዋ ተራሮች በፊትህ በተናወጡ 'ኢሳይያስ 64:1; 'ቀጥሎም፣ “እውነት እላችኋለሁ፤ እዚህ ከቆሙት መካከል የእግዚአብሔር መንግሥት በኀይል ስትመጣ እስከሚያዩ ድረስ ሞትን የማይቀምሱ አንዳንዶች አሉ” አላቸው። 'ማርቆስ 9:1; 'ምክንያቱም የእግዚአብሔር መንግሥት የወሬ ጒዳይ ሳይሆን የኀይል ጒዳይ ነው። '1 ቆሮንቶስ 4:20) ።ይህን ኅይል ቊሳዊ ወይም ፖለቲካዊ ኅይል አድርገን ሳይሆን፣መንፈሳዊ ኅይል አድርገን ማየት አለብን።የእግዚአብሔር መንግሥት የሃይማኖትና የፖለቲካዊ መለኮታዊ አገዛዝ አይደለም፤በዚህ ዓለም ባሉት መንግሥታት ላይ ያለ የማኅበራዊና የፖለቲካዊ አገዛዝ ጒዳይም አይደለም 'ኢየሱስም፣ “የእኔ መንግሥት ከዚህ ዓለም አይደለም፤ ቢሆንማ ኖሮ አይሁድ እንዳይዙኝ ሎሌዎቼ በተከላከሉልኝ ነበር፤ አሁን ግን መንግሥቴ ከዚህ አይደለም” አለው። 'ዮሐንስ 18:36።በዚህ ጊዜ እግዚአብሔር ዓለምን ለመቤዠትና ለማደስ ማኅበራዊ ወይም ፖለቲካዊ እንቅስቃሴ አየደርግም፤የኅይል እንቅስቃሴንም አይጠቅምም('ኢየሱስም እንዲህ አለው፤ “በል ሰይፍህን ወደ ሰገባው መልስ፤ ሰይፍን የሚመዝዙ ሁሉ በሰይፍ ይጠፋሉ። 'ማቴዎስ 26:52) ።ዓለም በዚህ ዘመን የእግዚአብሔርና የሕዝቡ ጠላት ሆና ትቆያለች('ከዓለም ብትሆኑ ኖሮ፣ ዓለም የራሱ እንደሆኑት አድርጎ በወደዳችሁ ነበር፤ ከዓለም ለይቼ ስለ መረጥኋችሁ የዓለም አይደላችሁም፤ ዓለም የሚጠላችሁም ስለ ዚሁ ነው። 'ዮሐንስ 15:19፣'እንግዲህ ወንድሞች ሆይ፤ ሰውነታችሁን ቅዱስና እግዚአብሔርን ደስ የሚያሰኝ ሕያው መሥዋዕት አድርጋችሁ ታቀርቡ ዘንድ በእግዚአብሔር ርኅራኄ እለምናችኋለሁ፤ ይህም እንደ ባለ አእምሮ የምታቀርቡት አምልኮአችሁ ነው። መልካም፣ ደስ የሚያሰኝና ፍጹም የሆነውን የእግዚአብሔር ፈቃድ ምን እንደሆነ ፈትናችሁ ታውቁ ዘንድ በአእምሮአችሁ መታደስ ተለወጡ እንጂ ይህን ዓለም አትምሰሉ። 'ሮሜ 12:1-2፣'አመንዝሮች ሆይ፤ ከዓለም ጋር ወዳጅ መሆን የእግዚአብሔር ጠላት መሆን እንደሆነ አታውቁምን? ስለዚህ የዓለም ወዳጅ መሆን የሚፈልግ ሁሉ የእግዚአብሔር ጠላት ሆኖአል። 'ያዕቆብ 4:4፣'ዓለምን ወይም በዓለም ያለውን ማናቸውንም ነገር አትውደዱ፤ ማንም ዓለምን ቢወድ፣ የአብ ፍቅር በእርሱ ዘንድ የለም፤ ምክንያቱም በዓለም ያለው ሁሉ፦ የሥጋ ምኞት፣ የዐይን አምሮትና የኑሮ ትምክሕት ከዓለም እንጂ ከአብ የሚመጣ አይደለም። ዓለምና ምኞቱ ያልፋሉ፤ የእግዚአብሔርን ፈቃድ የሚፈጽም ግን ለዘላለም ይኖራል። '1 ዮሐንስ 2:15-17'ልጆች ሆይ፤ እናንተ ከእግዚአብሔር ናችሁ፤ እነርሱንም አሸንፋችኋቸዋል፤ ምክንያቱም በእናንተ ውስጥ ያለው በዓለም ካለው ይበልጣል። '1 ዮሐንስ 4) እግዚአብሔር በግልጽ ፍርድና ኅይል የሚገዛበት ዘመን የሚመጣው በዚህ ዘመን መጨረሻ ላይ ብቻ ነው ('ከዚያም ሰማይም ተከፍቶ አየሁ፤ እነሆ አንድ ነጭ ፈረስ ነበረ፤ በፈረሱም ላይ፣ “ታማኝና እውነተኛ” የሚባል ተቀምጦ ነበር፤ እርሱም በጽድቅ ይፈርዳል፤ ይዋጋልም። ዐይኖቹ እንደ እሳት ነበልባል ናቸው፤ በራሱም ላይ ብዙ ዘውዶች አሉ። ከእርሱ በቀር ማንም የማያውቀው ስም በእርሱ ላይ ተጽፎአል። 'ራእይ 19:11-12

2) እግዚአብሔር ራሱን በኅይል ስለሚገልጽ፣ዓለም በቀውስ ውስጥ ትገባለች።የእግዚአብሔር ኅይል መገለጥ፣የዲያቢሎስን ግዛት በሥጋት እንዲሞላ ያደርገዋል('ፈታኙም ወደ ኢየሱስ ቀርቦ፣ “የእግዚአብሔር ልጅ ከሆንህ እነዚህን ድንጋዮች እንጀራ እንዲሆኑ እዘዝ” አለው። … 'ማቴዎስ 4:3-7 ' “ወይስ አንድ ሰው ወደ ኀይለኛ ሰው ቤት ገብቶ ንብረቱን ለመዝረፍ ቢፈልግ፣ አስቀድሞ ያንን ኀይለኛ ሰው ሳያስር እንዴት አድርጎ ይሳካለታል? ኋላም ቤቱን መበዝበዝ ይችላል። 'ማቴዎስ 12:29፣'“የናዝሬቱ ኢየሱስ ሆይ፤ ከኛ ምን ትሻለህ? ልታጠፋን መጣህን? እኔ ማን እንደሆንህ ዐውቃለሁ፤ አንተ የእግዚአብሔር ቅዱስ ነህ!” 'ማርቆስ 1:24፤ስለዚህ ማንኛውም ሰው ለእግዚአብሔር መንግሥት ከመገዛት ወይም ካለመገዛት ውሳኔ ያፈነግጣል ('ስብከቱም፣ “መንግሥተ ሰማያት ቀርባለችና ንስሓ ግቡ” የሚል ነበር። በዚያን ወራት መጥምቁ ዮሐንስ በይሁዳ ምድረ በዳ እየሰበከ መጣ። 'ማቴዎስ 3:1-2፣ 'ከዚያ ጊዜ አንሥቶ ኢየሱስ፣ “ንስሓ ግቡ፤ መንግሥተ ሰማያት ቀርባለችና” እያለ መስበክ ጀመረ። 'ማቴዎስ 4:17፣'ዮሐንስ እስር ቤት ከገባ በኋላ፣ ኢየሱስ የእግዚአብሔርን ወንጌል እየሰበከ ወደ ገሊላ ሄዶ፣ “ጊዜው ደርሶአል፤ የእግዚአብሔር መንግሥት ቀርባለች፤ ንስሓ ግቡ፤ በወንጌልም እመኑ” እያለ ይሰብክ ነበር። 'ማርቆስ 1:14-15።ወደ እግዚአብሔር መንግሥት ለመግባት አስፈላጊውና መሠረታዊው ሁኔታ፣’’ንስሓ ግቡ’’፤በወንጌልም እመኑ የሚለውን ቃል መቀበል ነው።