እግዚአብሔርን ተስፋ የሚያደርጉ

እግዚአብሔርን ተስፋ የሚያደርጉ

እግዚአብሔርን ተስፋ የሚያደርጉ ግን፣ ኀይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፤ አይታክቱም፤ ይሄዳሉ፤ አይደክሙም።'ኢሳይያስ 40:31

እግዚአብሔርን በመተማመን መጠባበቅ ሙሉ በሙሉ በሕይወታችን በእርሱ መታመን ሲሆን በሚያስፈልገን ነገር ሁሉ እርሱን የርዳታና የጸጋ ምንጭ ማድረግ ማለት ነው።

መዝ 25:3-5  አንተን ተስፋ የሚያደርጉ አያፍሩም፤ በከንቱ የሚገበዙ ያፍራሉ።  አቤቱ፥ መንገድህን አመልክተኝ፥ ፍለጋህንም አስተምረኝ።  አንተ የመድኃኒቴ አምላክ ነህና በእውነትህ ምራኝ፥ አስተምረኝም፤ ቀኑን ሁሉ አንተን ተስፋ አድርጌአለሁ።መዝ 27:14 እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።  ሉቃስ 2:25 እነሆም፥ በኢየሩሳሌም ስምዖን የሚባል ሰው ነበረ፥ ይህም ሰው የእስራኤልን መጽናናት ይጠባበቅ ነበር፤ ጻድቅና ትጉህም ነበረ፥ መንፈስ ቅዱስም በእርሱ ላይ ነበረ።ሉቃስ 2:36-38 ከአሴር ወገንም የምትሆን የፋኑኤል ልጅ ሐና የምትባል አንዲት ነቢይት ነበረች፤ እርስዋም ከድንግልናዋ ጀምራ ከባልዋ ጋር ሰባት ዓመት ኖረች፤  እርስዋም ሰማኒያ አራት ዓመት ያህል መበለት ሆና በጣም አርጅታ ነበር፤ በጾምና በጸሎትም ሌሊትና ቀን እያገለገለች ከመቅደስ አትለይም ነበር።በዚያችም ሰዓት ቀርባ እግዚአብሔርን አመሰገነች፤ የኢየሩሳሌምንም ቤዛ ለሚጠባበቁ ሁሉ ስለ እርሱ ትናገር ነበር።  

ጌታን የሚጠባብቁ የሚከተሉት ተስፋዎች አሉአቸው

1/መከራና ሥቃይ ሲደርስባቸው እንዲሁም ሲደክሙና ሲታክቱ የእግዚአብሔርን ኅይል ይደግፋቸዎል።

2/በሰማይ ላይ ከፍ ብሎ እንደሚበርረው ንስር ከችግራቸው በላይ በመሆን ከፍ ብሎ እንደሚበርረው ንስር ከችግራቸው በላይ በመሆን ከፍ ብሎ የመሄድ ችሎታ ይኖራቸዎል።

3/በመንፈሳዊ ሕይወት ያለ ድካም የመሮጥና እግዚአብሔር ቢዘገይም ሳይታክቱ ጸንተው ወደፊት የመራመድ ችሎታን ያገኛሉ ።

ሕዝቡ በትዕግሥት በእርሱ የሚታመኑ ከሆነ ጸንተው እንዲኖሩ ለማድረግ የሚይስፈልጋቸውን ሁሉ እንደሚስጣቸው እግዚአብሔር ቃል ገብቶላቸዎል 1ኛ የጴጥሮስ መልእክት 1:5 ኢየሱስ ክርስቶስ ከሙታን በመነሣቱ ለሕያው ተስፋና ለማይጠፋ፥ እድፈትም ለሌለበት፥ ለማያልፍም ርስት እንደ ምሕረቱ ብዛት ሁለተኛ የወለደን የጌታችን የኢየሱስ ክርስቶስ አምላክና አባት ይባረክ፤ ይህም ርስት በመጨረሻው ዘመን ይገለጥ ዘንድ ለተዘጋጀ መዳን በእምነት በእግዚአብሔር ኃይል ለተጠበቃችሁ ለእናንተ በሰማይ ቀርቶላችኋል።